Utkant blir arrangert siste helga i juli, og har vore eit fast innslag i sommarsesongen sidan sommaren 2007. I 2007 var festivalen ei festramme for avdukinga av Knut Steen si kontroversielle kongestatue av Olav V. Tanken om at dette måtte gjerast igjen kom raskt, og arrangementet vart vidareført i 2008 av lokale eldsjeler – med stønad frå lokalt næringsliv og engasjement frå lokalsamfunnet. Festivalen har sidan 2008 vore organisert som ei eiga stifting, og finn stad på Skjerjehamn i Ytre Gulen, ca 2 timar frå Bergen.