Madcon

Den internasjonale superstjerneduoen Madcon har kanskje vore stille ei stund, men musikken deira forsvann aldri: Sjølv om det er fire år sidan Yosef Wolde-Mariam og Tshawe Baqwa sleppte sin siste singel, har dei store låtane deira, blant dei «Beggin» og «Don’t Worry (feat. Ray Dalton)» framleis vorte streama meir enn 1 million gonger over heile verda – kvar veke. Dette har mellom anna italienske Måneskin vore med på å forsterka då dei gjorde sin eige cover av «Beggin» vinteren 2021. Låten gjekk viralt på TikTok og er no den mest streama låta til rockebandet.

Dei norske hitmakarane svarer no på bønnene til den globale fanbasen sin med den nye singelen «Drowning». Dette er berre byrjinga, og eit nytt album er på veg! Med «Drowning» byggjer Madcon opp forventningane til kva som kjem i 2023: Dei kombinerer fengjande vokalar med ein hypermoderne pop-produksjon samtidig som dei fortel historier mange av oss kan relatera til.

«Drowning» handlar om å bli verande i eit forhold som burde vore over for lengst; likevel er frykta for å bli einsam såpass sterk at ein blir verande i relasjonen – «Som det bandet i Titanic, som held fram med å spela musikk medan skipet søkk. Dei håpar på at det skal løysast av seg sjølv» seier Madcon.

No er både Yosef og Tshawe klare til å børsta støvet av hitmaskina og gi ut ny musikk. Dei siste tre tiåra har Madcon bygd opp eit globalt omdømme med over 600 millionar streams og dei viser ingen teikn til å senka farten.

Pressefoto: Leo Feimer